Die geboorte van Jesus, die Christus, herbereken

Een van my vriende in die internetgemeente vra my wat ek dink oor die viering van kersfees op 25 Desember.  My antwoord aan hom is belangrik vir waarom ek die volgende twee weke gaan skryf waaroor ek gaan skryf.

Terwyl ek hieroor nagedink het, het ek skielik besef dat ek en my familie NOOIT “kersfees” gevier het nie! Wat ons eenmaal ʼn jaar herdenk het, was die geboorte as mens van Jesus, die Christus, wat ons leer ken en volg as Koning, Here, Verlosser en Doper met die Gees.

Ons weet seker teen hierdie tyd almal (of behoort ten minste te weet) dat Christus beslis nie op 25 Desember van enige vorige jaar gebore is nie.

Continue reading

Advertisements

Die week het alles verander!

Die meeste Christengelowiges herdenk die gebeure gewoonlik van die Vrydag af. Goeie Vrydag noem hulle dit. Maar in werklikheid het dit die Woensdag reeds gebeur. Nie dat dit soveel saak maak nie, want dit is mos maar net ʼn dag waarop ons dieselfde gebeure herdenk. En dit is immers die gebeure waaroor dit alles gaan…

Hierdie week bied volgelinge van Jesus die Christus oor die wêreld maar net weer die geleentheid en voorreg om saam met ander familielede en ander Christengelowiges stil te word rondom ʼn week se gebeure in Jesus se lewe as mens wat elkeen van ons se lewens verander het. Eintlik het die die totale geskiedenis van die hele wêreld verander, al verstaan sowat twee-derdes van die wêreld se bevolking dit nog nie.

DIE SONDAG

Voor ek met jou gesels oor daardie Woensdag se gebeure, kom ons begin in ons nadenke reeds by die Sondag se gebeure. Palmsondag, soos daarna in die kerklike wêreld verwys word.

Dit was die dag waarvan Lukas 19 en Johannes 12:12 en verder ons vertel. Jesus het Jerusalem, die stad van koning Dawid, binnegery op ʼn donkie.

Soos voor ʼn koning van destyds, het die skare klere en palmtakke voor hom neergegooi om aan Hom eer te betoon as die koning uit die geslag van Dawid. Alles presies soos die profesieë – soos Sag. 9:9 en Dan. 9:25 –27 – eeue tevore voorspel het sou gebeur.

Continue reading

‘n Omgekeerde boot

Kom ek vertel vir jou wat met my gebeur het ’n paar weke terug. ’n Broer in Jesus kom sit langs my en vertel my iets wat hy voel Jesus wil hê hy moet my van vertel.

Hy vertel my van die dag toe hy en sy kinders die fliek, Poseidon Adventure, gaan kyk het, waarin ’n groot passasiersboot onderstebo geslaan is deur ’n golf.

In die fliek, waar die boot onderstebo in die water lê, beleef hy die Here wil met hom praat oor wat hy sien.

Hy beleef hoe die Here met hom begin praat oor ’n boot wat ook so onderstebo in die water lê, maar anders as met die Poseidon Adventure, nie sink nie. Verder is daar genoeg suurstof, kos en alles wat nodig is vir almal op die boot.

Die Here vra hom toe: Kan jy dink hoe moes dit so na ’n week wees in so ’n omgekeerde boot?

Alles is onderstebo. Die tafels hang aan hulle pote vasgeskroef van die plafon af. Deurkosyne is onderstebo.

Kan jy jouself indink in so ’n situasie?

Continue reading

Hello wêreld!

Kan jy glo, een van hierdie obskure internet-skurke het op my vorige Blog ingebreek via WordPress en my Blog vernietig!

Maar soos Rom. 8:28 sê: “Ons weet dat God alles ten goede laat meewerk vir dié wat Hom liefhet, dié wat volgens sy besluit geroep is. ”

Dit bied my die geleentheid om van nuuts af my Blog self in te rig soos ek voel reg is vir nou.

Steeds sal dit “nuwe wyn” wees wat Jesus Christus, my Verlosser en Koning, self aan my bedien het die afgelope jare deur Sy Gees.

Mag die Here dit in Sy genade gebruik om ook jou te bedien.

Die skrywer

Christo Nel